DANSER MED SAUER - filmen om VM i saueklipping 2008

2 - 5 oktober brakar det laus. For fyrste gong skal VM i saueklypping arrangerast utanfor eit engelsktalande land, og æra har gått til den vesle bygda Bjerkreim i Rogaland. Eit unikt arrangement skal finne stad, kor 1000 dugnadsarbeidarar, deltakarar frå 30 land og 30 000 tilskodarar skal være med på å skape ein ugløymeleg folkefest. Og for dei to norske deltakarane står alt på spel.

Inge Morten Tronstad (28) er bonde, entrepenør og saueklippar, og lever under idylliske forhold på garden på Vestlandet saman med kona og si to år gamle dotter. Inge Morten vann NM i saueklipping i fjor, og er ein av favorittane til årets VM på heimebane. Men hans viktigaste konkurrent er norsk.

Rolf Gravdal (44) er Norges mest meritterte saueklyppar med mange store titlar bak seg. Han håper sjølvsagt at han kjem til finalen mot verdas beste saueklypparar når dei gjestar Bjerkreim i oktober. Men om han ikkje når så langt har han i alle fall eitt viktig mål: å slå Inge Morten, som tok ifrå han NM-tittelen i fjor.

I filmen vil vi følgje dei to norske deltakarane både før, under og etter VM i Bjerkreim. Det vil bli blod, sveitte og tårer, tøff fysisk påkjenning og steinhard konkurranse. Dei to arketypiske norske deltakarane vil gje alt for å slå alle, men mest av alt, for å slå kvarandre. Det er duka for tidenes brekande folkefest i Bjerkreim.

Filmen skal visast på TV2 vinteren 2008/2009.

EUROPAS BAKGÅRD

Europa har aldri vore fredelegare, rikare eller meir demokratisk. Vi inngår alliansar, stiftar unionar, hjelper kvarandre. Handelen går på skinner, det gjer arbeidet også. Men det er ikkje slik over alt i vår rike verdstel. Moldova er rike Europas triste bakgard. Utdanning, helsesystem, landbruk og industri har gått i oppløysning etter Sovjetunionens fall. I denne filmen vil vi gjennom enkeltmennesker sjå korleis kvardagen er i ein postsovjetisk stat, blant eit stolt folkeslag som må lære å vere seg sjølve igjen etter mange år i Sovjets klamme tak.

GATEJENTA

20 år gamle Maren Bøe jobber blant gatebarna i Bucuresti. Maren har ADHD, dårlige karakterar frå skulen, og problem med autoritetar. Ho er ei av dei som byrja å røyke før ho fylte 12,  fekk ein kompis til å tatovere henne som 13-åring og var med å okkupere eit hus som 15 åring. Alltid hamna Maren i trøbbel. Dette er bakgrunnen for at Maren forstår gatebarna i Romania så godt, og når ho forstår dei, kan ho hjelpe dei. I dokumentarfilmen Gatejenta vil vi formidle augneblunk mellom Maren og gatebarna som viser den gjensidige respekt og forståing dei har for kvarandre. Augneblunk av godheit midt i all elendigheita. Utifrå dette vil vi prøve å forstå kvifor ho vel å bu i eit av dei fattigaste landa i Europa, når ho kan bu i det rikaste.

MITT SKIP ER LASTET MED

I generasjonar har dei lokale fraktebåtane vore sjølve livsnerven langs heile den norske kysten. Menneska som bur på aude stader langs kysten utan vegsamband, og på øyer utan bru har vore heilt avhengig av denne transportmoglegheita for frakt av varer og buskap. Men den norske kystkulturen er i endring. Dei siste åra har fleire bruer, tunellar og forbetra ferjetilbod gjort dei gamle fraktebåtane nesten overflødige. Dei fleste ruter har blitt lagt ned eller erstatta med mindre båtar som må ligge til kai på vindfulle vinterdagar. Den siste fraktebåten kjempar no Davids kamp mot Goliat, ettersom trailerane overtek meir og meir av trafikken langs kysten. Men den gamle dampen gir seg ikkje så lett.

Filmen skal sendes på NRK Faktor i 2009

NATURVISJON

Corax videoproduksjon as har sammen med tre andre produksjonsselskaper startet selskapet Naturvisjon as. Naturvisjon as skal i en fireårs periode produsere 30 naturdokumentarer for norsk TV, fire 52 minutters naturdokumentarer for internasjonalt TV og en kinofilm

[mer ]